Түркістан қаласындағы облыстық «Қожа Ахмет Ясауи» орталық мешітінде бүлдіршіндердің тұсауы кесілді.

Игі дәстүріміз дәріптелген бірегей шараға ҚМДБ Ғұламалар кеңесі мен РАНТ мүшесі, исламтанушы-ғалым Арман Қуанышбаев пен Түркістан облысының бас имамы Ержан Сматұлы арнайы қатысып, тәй-тәй басқан балдырғандардың тұсауын кесіп, таудай азамат болып өссін деп батасын берді.

Өз кезегінде сәбилердің аналары Арман ұстаз бен Ержан Сматұлына, осы игі шараның ұйымдастырушыларына алғысын білдіріп, ризашылығын жеткізді.