ҚМДБ «Зекет және қайырымдылық» қорының «Ел үлесі – пәтерге» акциясы аясында Қостанай облысында 709-баспана кілті табысталды.

Қостанай облыстық «Аймағанбет қажы Спанұлы» мешітінің наиб имамы,  «Зекет және қайырымдылық» қорының өңірдегі жауапты өкілі Бақытжан Икрамұлы Жітіқара қаласына арнайы барып, 63 жастағы жалғызбасты азамат Есенғали Саматұлының жаңа қонысына құтты болсын айтты.

Жергілікті жамағаттың қолдауымен үш қабатты үйден берілген 2 бөлмелі пәтер қайырымдылық акциясына 709-баспана болып тіркелді.