ҚМДБ Жетісу облыстық өкілдігі «Ислам және ізгі қоғам» жылы аясында Ұлттық мереке – Республика күні қарсаңында Талдықорған қаласында орналасқан «Өмірлік қиын жағдайда қалған адамдарға арналған әлеуметтік бейімдеу орталығында» қайырымдылық шарасын ұйымдастырды.

Шарада облыстың бас имамы Керімбек Сәрсембайұлы бастаған бір топ имам орталықтың қызмет алушыларын Республика күнімен құттықтап, игі тілегін білдірді. Бас имам Керімбек Сәрсембайұлы жылы лебізін айтып, сый-сияпаттарын үлестіріп, қараусыз қалған жандарға демеу болатын мейірімділік, бір-бірімізге құрмет турасында насихат айтты.

Жыл сайын үрдіске айналған қайырымдылық шарасы жоғарғы деңгейде өтіп, орталықтың қызмет алушыларымен басшылығы мешіт ұжымына алғыс білдірді.