Алматыдағы «Әбу Ханифа» медресе-колледжінің директоры Құлмұхаммед Маханбет білім ошағының ұстаздарын кәсіби мерекемен құттықтады.

Медресе директоры ұжымға ҚМДБ Төрағасы Наурызбай қажы Тағанұлының ұстаздар күнімен құттықтау хатын оқып, құрмет грамотасы мен алғыс хат табыстады. «Асыл дініміз Исламда білім үйрету. Ұстаздык ету сауапты әрі кұрметті іс болып танылады. Себебі, ұстаздык, тәлімгерлік – Пайғамбарымыз Мұхаммедтін (оған Алланың салауаты мен сәлемі болсын) жолы. Пайғамбарымыз бүкіл әлемге нұр шуағын шашып, ұстаз, тәлімгер әрі рахмет етіп жіберілген. Сiздердi Пайғамбар мирасы болған осы бiр ұлы іс жолындағы кәсіби мерекелерiнiз – Ұстаздар күнімен шын жүректен құттықтаймын» делінген Бас мүфти құттықтауында.