Таң

Күн

Бесін

Екінті

Ақшам

Құптан

РАНТ мүшесі – Ақжайық өңірінде

БҚО бойынша өкілдіктің баспасөз қызметі islam-oral.kz 12.09.2023 1469 0 пікір
РАНТ мүшесі – Ақжайық өңірінде

ҚМДБ Шариғат және пәтуа бөлімінің маманы, РАНТ мүшесі, ұстаз Медет Құрмашұлы жақында Ақжайық өңіріне екі күндік сапармен барды.

Алдымен РАНТ мүшесі қасиетті жұма күні «Ар-Рахман» орталық мешітінде жұма уағызын жүргізді. Бұдан кейін «Орал» медресе-колледжінің шәкірттерімен жүздесіп, білім алуға қатысты ағалық кеңесін айтты.

Кешкі уақытта Мұхаммед-Ғариф Түлбаев атындағы Орал қалалық мешітінде ақ дастархан жайылып, Медет Құрмашұлы «Білім алу – әр мұсылманға парыз» тақырыбында уағыз айтты. Сондай-ақ жиналған жамағаттың сауалдарына жауап берді.

Сапардың екінші күні Тәжіден Батырұлы атындағы мешітте де дастархан жайылып, «Бірлік пен ынтымақ» тақырыбында уағыз айтылса, әсерлі насихат жамағаттың сауалдарына ұласты. Ал «Ар-Рахман» мешітінде өткен «Уағыз айтудың әдебі мен мәдениеті» тақырыбындағы облыстық семинарда Медет Құрмашұлы аталмыш тақырып аясында кеңінен тоқталып, имамдардың көкейкесті сауалдарына тұшымды жауап берді. Семинарға облыс пен қала имамдары қатысты.

Пікірлер (0)

Тіркелген қолданушылар ғана пікір қалдыра алады. Сайтқа кіру