«Lavash Food» өнімдеріне берілген «QMDB HALAL» сертификаты қайтарылып алынды.

ҚМДБ «Халал Даму» мамандарының «Lavash Food» тамақтану орындарында жүргізген кезекті тексерісі барысында халал стандарты талаптарына сәйкес келмейтін өнім түрлері анықталып, келісімшарттың 4.3 тармағы бұзылды. Өндірушіге бірнеше ескерту берілсе де, түзету шаралары орындалмай, келісімшарттың 2.1 тармағына сәйкес, «QMDB HALAL» сертификаты қайтарылып алынғандығын хабарлаймыз.

«Lavash Food» тамақтану орындарының «Халал Даму» бақылауынан шығарылғандығын ескертеміз! Аталған кәсіпорын өнімдерінің халалдығына «Халал Даму» жауап бермейді.