ҚМДБ жанындағы «QAMQOR-SHARAPAT» салттық қызмет көрсету орталығының директоры Мейрамбек Қабылбекұлы Алматы облысына сапары барысында «Қапшағай» орталық мешітінде семинар өткізді.

«Жаназа және жерлеу рәсімдері» тақырыбында өткен семинарға облыс бас имамы Мадияр Тағайбайұлы мен Орталықтың Алматы облыстық филиал директоры Әликен Жұмағалиұлы бастаған өңір имамдары қатысты.

Орталық директоры Мейрамбек Қабылбекұлы имамдарға зират көтеру мен құдайы астарда ҚМДБ тарапынан қабылданған «Зират және зиярат мәдениеті», «Ас беру мәдениеті» құжаттарын кеңінен насихаттауды тапсырды.