Елордада ҚМДБ жанындағы Республикалық бас мешітте 1-20 маусым аралығында өткен «ИМАНИ ЖАЗ – 2023» жазғы діни сауат ашу курсының аяқталу құрметіне салтанатты іс-шара өтті.

Қасиетті Құран аяттарын оқумен шымылдығы түрілген іс-шара Бас мешіт имамы Қанат Қоянбекұлының балаларды құттықтап, алдағы білім жолына сәтті сапар тілеуімен басталды.

Одан әрі шәкірттер кезек-кезек Құран оқып, ал қыздар тақпақтар айтысты. Іс-шара соңында курсты бітірген балаларға арнайы сертификаттар таратылып, тәттілер салынған қораптар үлестірілді.