ҚМДБ Жастар ісі секторының Шымкент қаласы өкілдігінің ұйымдастыруымен «Рамазан тәттісі» қайырымдылық шарасы өтті.

Шаһар бас имамы Бақдәулет Нұрматұлы бастаған дін қызметкерлері Қаратау ауданында орналасқан «Шымкент қаласы білім басқармасының №1 өмірлік қиын жағдайда жүрген балаларды қолдау орталығына» арнайы барып, бүлдіршіндерге қуаныш сыйлады. Ағалық кеңестерін айтып,
баталарын берді.

Рухани шараға 75 бүлдіршін қатысты. Олар өздерінің көкейде жүрген сұрақтарын қойып, тұшымды жауап алды. Әсерлі кездесу соңында барша қатысушыларға түрлі тәттілер санылған «Рамазан тәттісі» үлестірілді.

Кездесу барысында орталық директоры Алия Құрманқалиқызы имамдарға алғыс айтып, Діни басқарманың жұмысына ризашылығын білдірді.