ҚМДБ «Зекет және қайырымдылық қоры» елордадағы Zeket Hub орталығында еріктілер тобына арнайы ауызашар ұйымдастырды.

Алдымен қор директоры Мақсатбек Мақсотұлы Жетісу мен Қарағанды облыстарынан және Екібастұз қаласынан келген, сондай-ақ елордалық «Қайырымдылық жаршылары» еріктілер тобын Бас мүфтидің алғысхатымен марапаттады. Бұдан бөлек еріктілерге «MUFTIYAT» баспасынан жарық көрген кітаптар мен арнайы #zeketten жейдесін табысталып, дастарқан басында қасиетті Рамазан айында қайырымдылқ жасаудың маңызы жайында көркем насихат айтылды.

Сонымен қатар қаладағы әлеуметтік жағдайы төмен 6 отбасыға «Рамазан қоржыны» және 15 мың теңгеден көмек берілді.