ҚМДБ «Зекет және қайырымдылық» қорының Солтүстік Қазақстан облысындағы өкілі Қасымхан Абдуллаұлы «Өмірге үміт сыйла» қайырымдылық шарасына қатысты.

Қор өкілдігінің ұйымдастыруымен бұл қайырымдылық шарасы тұрақты жүргізіліп келеді. Кезекті игі шара аясында «Остеопластоме» – сүйек ісігі дертіне шалдыққан Алина Рамазановнаға және ІІ топтағы мүгедек Мирас Серікболсынұлының еміне және бір мұқтаж отбасына 220 000 теңге қаржылай көмек берілді. «Зекет және қайырымдылық» қорының өкілі Қасымхан Абдуллаұлы  көмек алған жандардың қиындығына жеңілдік, дерттеріне шипа тіледі.