Қасиетті Рамазан айының алғашқы аптасында Павлодар облыстық «Мәшһүр Жүсіп» мешітінде көмекке мұқтаж отбасыларға күнделікті қолданылатын азық-түлік салынған 100 қорапша таратылды. 

Аталмыш көмек ҚМДБ «Зекет және қайырымдылық» қоры және жергілікті имамдардың ұйытқы болуымен берілді. «Рамазан қоржыны» деп аталған бұл қайырымдылық науқанға мешіттің пітір-садақасына түскен қаражат жұмсалды және «Сауап» еріктілер тобы да өз үлесін қосты.

Қасиетті Рамазан айының қарсаңында осындай қайырымдылық шаралары  қалалық және аудандық мешіттерде жиі ұйымдастырылмақ.