Елорданың әйел ұстаздары «Астана» медресе-колледжінің 50 шәкіртіне ауызашар дастарқанын жайып, рухани кеш өткізді.

Игі жиында ұстаздар шәкірттерге уағыз-насихатын айтып, ойындар ойнатты. Сондай-ақ, шәкірттердің білім, таным көкжиегін кеңейту мақсатында викториналық сұрақтар қойылды.

Елорда ұстаздар шәкірттерге «Рамазанға қатысты 200 сұрақ» кітабы мен қосымша сыйлықтар таратса, медресе ұстаздары да рухани кештің ұйытқысы болған Астана мешіттерінің ұстаздарына ілтипатын білдіріп, алғыс айтты.