Алла қаласа сағындырған Рамазан айына санаулы күндер ғана қалды. Қасиетті ай қарсаңында ел мешіттерінде оразаға дайындық жұмыстары пысықталды.

Қазақстан мұсылмандары діни басқармасының Астана, Алматы мен Шымкент, сондай-ақ облыстардағы барлық өкілдігінде арнайы жиын ұйымдастырылып, Рамазан айында атқарылатын ауқымды іс-шаралар талқыланды. Әсіресе ауызашар дастарқандарын ұйымдастыру, тарауық намазы мен қарилар мәселесі, тазалық пен қауіпсіздік шаралары, кешкілік намаздан соң тегін қатынайтын көліктер жөнінде жоспар жасалып, бірқатар нақты тапсырмалар берілді.

Сондай-ақ қасиетті айда «Рамазан қоржыны», «Рамазанда бір тал ек», «Рамазанда мешітке кітап сыйла», «Рамазан тәттісі» сынды қайырымдылық бағыттағы жұмыстар мен қатар оқу-ағарту, насихат жұмыстары ұйымдастырылмақ.