ДІНИ МЕРЕКЕЛЕР 
Қызылорда облыстық өкілдігінің баспасөз қызметі
aqmeshit.kz
13.02.2023
2638
0 пікір
Қызылорда облысының бас имамы Болатбек Ұласқанұлы Шиелі ауданына жұмыс сапарымен барып, орталық мешітте өткен «Күшіміз – бірлікте» қайырымдылық акциясына арнайы қатысты.
Игі шарада Сыр өңірінің бас имамы көмек алуға келген шиеліліктерді Ережеп айымен құттықтап, қасиетті айдың ерекшелігі туралы насихат айтты. Сауапты акция аясында кенттегі әлеуметтік жағдайы төмен көпбалалы 30 отбасыға бір айлық көлеміндегі азық-түлік қораптары мен 25 келі қаптағы ұн таратылды.
Бұдан кейін бас имам «Шиелі» қайырымдылық мекемесінің тыныс-тіршілігімен, жаңадан ашылған спорт бөлмесінің жұмысымен танысты. Болашақ қарилармен жүздескен Болатбек Ұласқанұлы жастарға жігер беретін насихат айтты. Аталмыш қайырымдылық мекемесі 2020 жылы ашылған болатын. 30 адамға арналған орталық 5 дәріс сыныбы, намазхана, асхана, 8 жатын бөлме, дене шынықтыру, жуыну, тұрмыстық бөлмелермен қамтылған.
Бүгінде 20 шәкірт ішінде жатып, 50 шәкірт қатынап Құран жаттауда. Екі жарым жылда алғашқы қари дайындалса, қазіргі таңда қасиетті кітапты толық жаттаған 4 қари бар.
+7 7172 999 866
Астана қаласы, Қарасаз к-сi, 3
Пікірлер (0)
Тіркелген қолданушылар ғана пікір қалдыра алады. Сайтқа кіру