Солтүстік Қазақстан облыстық «Қызылжар» орталық мешітінің ұйымдастыруымен 24 жасқа дейінгі шәкірттер арасында  «Құран – мәңгі мұғжиза» атты облыстық Құран жарысы өтті.

Байқауға облыс бойынша 60-қа тарта шәкірт қатысты. Сайыс келесі номинациялар бойынша өтті:  2 пара, 1,5 пара, 1 пара, 0,5 пара,  22-сүре және мәнерлеп оқу. Шәкірттер Құран жаттап қана қоймай, әртүрлі тақырыптарда Пайғамбарымыздың (оған Алланың салауаты мен сәлемі болсын) хадистерін, қазақ ұлыларының сөзін мүдірмей  жатқа айтып берді.

Мәнерлеп оқудан – Серік Кәусар;

22 сүре бойынша – Сүндет Аяла;

0,5 пара бойынша – Сайидрахим Фатима;

1-пара бойынша – Серік Мухаммад;

1,5 пара бойынша – Шехиден Ибраһим;

2 пара бойынша – Шехиден Абдулазиз.

Аталған сайысқа өңірдегі дін жанашыры Біржан Шаймерденов демеушілік жасады. Жеңімпаз, жүлдегер шәкірттер ақшалай сыйлықпен марапатталды. «Алла Тағала барша қайырымды жандарға, осы бүлдіршіндерді тәрбиелеген ұстаздарға, ата-аналарына Құранның берекесін нәсіп еткей. Бұндай игі шаралар болашақта жалғасын таба бермек. Алла дінімізді үстем қылғай!» деді СҚО бас имамы Хамзат Қажымұратұлы.