ҚМДБ ШҚО өкілдігі қайырымдылық бағатын дамыту аясында өңірдегі мешіттерге бағыт-бағдар беріліп, назар аударып келеді. Өткен аптада Өскемен қалалық «Защита» мешіті ерекше қайырымдылық шарасын жасады.

Өскемен қаласындағы №2 «Бүлдіршін» балабақша-бөбекжайына мешіт тарапынан тәттілер апарып, бүлдіршіндерге базарлық таратты. Мешіттің жасаған осынау сыйына балалар қуанып қалды.

«Дінімізде бүлдіршін балаларды қуанту, оларға қамқорлық жасау аса сауапты іс делінген. Алдағы уақытта осы бағыттағы жұмыстар жалғасын табады» деп атап өтті «Защита» мешітінің бас имамы Біржан Қабылахметұлы.

Бас имам балаларға рухани тәрбие жайлы тағылым айтып берді. Балабақша басшысы Анар Рахметова қалалық «Защита» мешітіне алғыс
білдірді.