Қостанай облыстық мешітінде жыл қорытындысына арналған жиын өтті. Оған аталмыш имандылық ордасының жанындағы алқа мүшелері, өңірдегі аудандар мен қалалардың бас имамдары қатысты.

Қостанай облысының бас имамы Бахытбек Тәжімбет 2022 жылы жеті бағыт бойынша атқарылған жұмыс есебі жайлы баяндама жасады. Оның келтірген деректері мен дәйектері өзінің нақтылығы және терең мазмұнымен қатысушылардың назарын аударды. Барлық саладағы жүзеге асырылған шаралар ауыз толтырып айтарлықтай.

Қала, аудандарда бірқатар мешіттер күрделі жөндеуден өтті. Асханалар көптің игілігіне айналды. Алдағы уақытта да жоғарыда сөзімізге тиек болған бағыттар бойынша қыруар жұмыстар атқарыла бермек. 

Жиын барысында Бахытбек Нұрғабылұлы қайырымдылық мақсатында елеулі қызмет атқарған бір топ азаматтарға алғыс білдіріп марапаттады.