Қазақстан мұсылмандары діни басқармасының Астана қаласы өкілдігіне қарасты мешіттердің жылдық қорытынды жиналысы өтті.

Жиынға қаладағы 12 мешіттің бас имамдары қатысып, жыл бойғы атқарылған шаралар есебін баяндады. ҚМДБ бекіткен жеті бағыт аясында атқарылған жұмыс есебі арнайы слайд арқылы көрсетіліп, жазбаша нұсқасы кітапша түрінде өкілдік қызметкерлеріне ұсынылды.

Қала бас имамы Ерболат Жүсіпов жиын басында Астана қаласы өкілдігі атқарған жалпы жұмыстарға шолу жасап, жыл басында бекітілген жоспар бойынша пысықтап өтті. Бұдан соң әр бас имамға кезек беріліп, көпшілік алдында есебі тыңдалды.