Қарағанды облысының бас имамы Естай Әбдіғали әдеттегі басқару-бақылау жұмыстары бойынша Қарағанды қаласындағы «Қазыбек би» мешітінде болды.

«Қазыбек би» мешітінің имам, ұстаздармен танысып, өзара сұхбат құрған бас имам біршама өзекті мәселелер төңірегінде сөз қозғады. Құлшылық үйінің қазіргі тыныс-тіршілігін таныстырып, ұжым туралы мәлімет берген мешіттің бас имамы Ысқақ Рахымбекұлы шәкірттер тәрбиеленіп жатқанын да жеткізді. 

Естай Айтуғанұлы жан-жақты аралау барысында ғибадат үйінің көз қуантарлық тұстарын тілге тиек етіп, әсіресе «QAMQOR-SHARAPAT» салттық қызмет көрсету бағыты бойынша жүргізіліп жатқан жұмыстарға оң баға берді.