Маңғыстау облысының мешіттері Қазақстан мұсылмандары діни басқармасының жыл сайынғы дәстүрлі «Мектепке жол» акциясына үн қосты.

Маңғыстау облысының бас имамы Әнуар қажы Ізімбайұлының бастамасымен жүзеге асқан «Мектепке жол-2022» шарасы Ақтау, Жаңөзен қалалары және Бейнеу, Қарақия, Маңғыстау, Мұнайлы, Түпқараған аудандарының мешіттерінде өтті.

Дін қызметкерлері және еріктілердің ұйымдастыруымен жүзеге асқан қайырымдылық іс-шаралары барысында әлеуметтік жағдайы төмен отбасылардан шыққан 1000-ға жуық балаға оқуға қажетті құрал-жабдықтар салынған мектеп сөмкелері, сондай-ақ арнайы мектеп киімдері табыс етілді.

Ізгі шараларға қатысқан ата-аналар облыстағы барша дін қызметкерлеріне, демеушілерге шын жүректен шыққан шынайы алғысын білдірді.