«Зекет және қайырымдылық» қоры мен Әйел-қыздар секторының Алматы қалалық өкілдігінің ұйымдастыруымен «Бір кәсіпті меңгер» тігін курсының алғашқы түлектері сертификат алды.

Игі шараға қаланың бас имамы Төлеби Дәділұлы қатысып, Алматы Орталық мешіті жанынан ашылған тігін курсын аяқтаған түлектерге тігінші квалификациясы мен азық-түлікке арналған қаржылай сертификат табыстады.

Айта кетейік, тігін курсының түлектері алғашқы жетістігі ретінде өздеріне жаздық көйлектер тігіп, қорытынды кезеңде киіп келді. Сондай-ақ, бас имам Төлеби Дәділұлы жаңадан тігін курсына келушілерге сәттілік тілеп, батасын берді.