ҚМДБ «Уақып» қорының президенті Ардақ Нүсіпханұлы мен «QAMQOR-SHARAPAT» орталығының директоры Мейрамбек Қабылбекұлы Қостанай облысының қала және аудан бас имамдарымен кездесу өткізді.

Жиында қордың және орталықтың жұмысын жандандырудың маңыздылығы, атқаратын істері жайлы мағлұмат берілді. Жаңа бағыт бойынша жұмыс істеу және алда атқарылатын жұмыс жоспарлары жайлы айтылды.

Айта кетейік, былтыр ҚМДБ жанынан «Уақып» қоры құрылған болатын. Қордың қызметі әлеуметтік жобаларды қаржыландыруға, діни-ағартушылық саладағы іс-шараларды жүргізуге, сондай-ақ дін қызметкерлерінің жұмысын жетілдіруге бағытталған.