Нұр-Мүбарак университетінің ұстазы, белгілі дінтанушы Ризабек Батталұлы Атырау облысына сапармен келді.
Ол қаладағы «Иманғали» орталық мешітінде болып, жамағатпен жүздесіп, уағыз-насихат айтты. Асыл дінімізде садақа берудің, жақсылыққа насихат жасаудың маңызы зор екеніне тоқталды.
«Әрбір берілген садақаңыз – біреуге көмектесуден бұрын өзіңіздің екі өміріңізге салып жатқан инвестицияңыз. Сол арқылы отбасыңызға, кәсібіңізге береке кіреді. Ал ақыреттегі сауабын Алла береді. Сондықтан жәрдем тілеген жанға, мешіт-медресе құрылысына жұмсалған қайырымдылық өзіңіздің өміріңіз үшін қайырлы болады» деді Ризабек Батталұлы.
Сондай-ақ ол құлшылықта ықтиятты болу, мұсылман арасындағы ауызбірлік турасында да әңгіме қозғады. Жамағат көкейде жүрген сұрақтарын қойып, жауап алды.
Пікірлер (0)
Тіркелген қолданушылар ғана пікір қалдыра алады. Сайтқа кіру