Ақтау қалалық Бекет ата мешітінің ұйымдастыруымен 1 маусым – Халықаралық балаларды қорғау күніне арналған «Бала тілі – бал» атты облыстық іс-шара өтті.
Өңірдің барлық аудан-қалаларынан 6 жасқа дейінгі 18 бала қатысып, өнерін ортаға салды. Балдырғандар қасиетті Құранның қысқа сүрелерін жатқа оқып, пайғамбарлардың өмірі мен Ислам тарихынан сұрақтарға жауап берді. Сондай-ақ мақал-мәтелдер айтып, Абай өлеңдерін мәнерлеп оқыды.
«Бала – біздің болашағымыз. Жас өскінді иманды да ибалы, білімді де еңбекқор етіп өсіру, тәрбиелеу – баршаның ізгі мұраты. Мешітімізде асыл дініміздің керемет аяттарын бойына сіңіріп, жүрегіне құйып өсіп келе жатқан жас шәкірттеріміз жеткілікті. Шәкірттердің осындай байқаулар мен шараларға белсене қатысқаны көңілге зор үміт ұялатады» деді Ақтау қалалық Бекет ата мешітінің бас имамы Қ.Абдалиев.
Пікірлер (0)
Тіркелген қолданушылар ғана пікір қалдыра алады. Сайтқа кіру