Алматы облысының әкімі Қанат Бозымбаев Талдықорған орталық «Иман» мешітіне келіп, саяси қуғын-сүргін және ашаршылық құрбандарының рухына арнап Құран оқытты. Жетісу өңірінің бас имамы Алмас Сағидоллаұлы құрбандардың рухына қасиетті Құран аяттарын бағыштады.

Сондай-ақ облыс басшысы алдағы уақытта мешітте жүргізілгелі жатқан құрылыс жұмыстарының жай-жапсарымен танысты. Өңірдің бас имамы Алмас Сағидоллаұлы бекітілген жоспар бойынша жаңадан салынатын хатымхананың орнын, мешіттің сыртқы есік-терезе, жарықшамдарын, мешіттің ішінде болатын орталық жылу жүйесіне қосылған ыстық еден орындарын көрсетті.

Облыс имамы кездесу соңында облыс әкімі Қанат Алдабергенұлына өңірдегі діни ахуалды баяндап, жамағаттардың өтінішін жеткізді.