Қостанай облысы Алтынсарин ауданындағы Мәриям Хакімжанова селолық округіне қарасты Шербаков елдімекенінде жаңадан «Тойғанша ана» мешіті салтанатты түрде ашылды.

Жаңа мешіттің ашылуына Қостанай облысының әкімі Архимед Бегежанұлы, облыстың бас имамы Бахытбек Нұрғабылұлы қатысып, жергілікті тұрғындарды құттықтады. Салтанатты шарада жиналған қауымға ас тартылып, ақсақалдар батасын берді. Мешітте алғашқы намаз оқылып, ел амандығы үшін дұға жасалды.

Одан кейін ат үстіндегі аударыспақ, теңге алу, жамбы ату сайыстары және көкпар өтіп, жеңімпаздар марапатталды.