ҚМДБ Әйел-қыздар секторының Ақтөбе облыстық өкілдігі өңірдің бас имамы Серікжан Еншібайұлының бастамасымен 60 адамға қазақы ауызашар ұйымдастырды.

Оған Рамазан айының алғашқы күнінен бастап «Бір күнде – бір хатым» жобасы аясында амал етіп жатқан ақ жаулықты аналар мен қыз-келіншектерге қатысты. 

Бұл ауызашардың ерекшелігі – дастарқанға бірыңғай қазақы тағамдар қойылып, ұлттық құндылықтар насихатталды. Сонымен қатар сектор өкілі Кенжегүл Қошқарова Рамазан айының қадір қасиеті туралы уағыз айта келе, ауызашар дастарқанын аста-төк етпей, мейлінше қазақы және қарапайым жасау керектігін баяндап өтті.

Облыстық орталық «Нұр Ғасыр» мешітіндегі «Әжелер мектебінің» белсенді мүшелері ұйымдастырушыларға алғысын білдіріп, батасын берді.