Шымкент қаласы әл-Фараби аудандық «Дәуітұлы Шыңғысбай қажы» мешіті жанындағы «Нұр-Мүбәрак» қайырымдылық мекемесіндегі тәлімгерлерге ауызашар дастарханы жоғары деңгейде ұйымдастырылып, өткізіліп келеді.

Тұрақты өткізіліп келе жатқан игі шара аясында «Дәуітұлы Шыңғысбай қажы» мешітінің бас имамы әрі мекеме жетекшісі Ералы Есенгелдиев сөз сөйлеп, ҚМДБ Төрағасы, Бас мүфти Наурызбай қажы Тағанұлы мен Шымкент қаласының бас имамы Бақдәулет Абдрахмановтың құттықтау сөзін жеткізді.

Осы айда жалпы саны 120 шәкіртке тұрақты ауызашар ұйымдастырылуда. Берекелі дастарқан аясында түрлі тақырыптарды арқау еткен уағыздарға кезек беріліп, қатысушы шәкірттер рухани нәр алуда.