ҚМДБ «Зекет және қайырымдылық» қоры Алматы қаласы өкілдігінің ұйымдастыруымен «Шарапатты Рамазан» ауызашары өтті.

Ауызашарға арнайы Ардагерлер үйінен қазыналы қарттарымыз, «Өміріңді сүй» қазақ мүгедектер қоғамы, №1 Балалар үйінен келген тәрбиеленушілер мен «Әбу Ханифа» медресе-колледжінің шәкірттері қатысты.

Берекелі дастарқан басында Рамазан айының артықшылығы туралы насихат айтылды. Сұрақ-жауап ойыны ойнатылып, дұрыс жауап берген жандарға Рамазан сыйы табысталды. Ауызашар кешінде күмбірлеген домбыра үні естіліп, термелер айтылды. Келген қонақтар ризашылығын білдіріп, алғыстарын айтты. Ауызашар соныңда Құран оқылып, дұға жасалды.