Қарағанды облысының бас имамы Өмірзақ Бекқожа Атырау облысына жұмыс сапарымен келіп, орталық «Иманғали» мешітінің тыныс-тіршілігімен танысты.

Атырау облысының бас имамы Алтынбек Ұтысханұлы Өмірзақ Қазкенұлына медиа студияны таныстырды.

«Амин.кз студиясында бейнеуағыздар, сұхбаттар, подкаст жобалар түсіріледі. Заманауи стильде жабдықталған студия интернет кеңістігін діни ақпараттармен толықтыруға ықпал етіп отыр» деп атап өтті Алтынбек Ұтысханұлы.

Сондай-ақ Өмірзақ Қазкенұлы орталық «Иманғали» мешітінің жанынан ашылған Қайырымдылық мекемесінің де жұмыс барысымен танысты.