Шығыс Қазақстан облысы Тарбағатай ауданы «Ұранхай қажы» мешіті қасиетті Рамазан айында арақ-шарап сатпау оны мүлде тұтынбау туралы сауда дүкендеріне осындай үндеу таратты.

Игі бастама халықтан зор қолдау тауып, өңірдің қала, аудан, ауылдарында арақ-шарап сатуды уақытша доғарған дүкендер саны күн санап көбейіп келеді.

Осы игі бастаманы қолдаған Шығыс Қазақстан облысы Тарбағатай ауданы Ақсуат ауылының кәсіпкерлерінің бірі: «Рамазан айында арақ-шарап сатуды тоқтаттық. Ораза кезінде бізде арақ сатылмайды. Бастама тұрғындар тарапынан қолдау тауып отыр» деп атап өтті.

Ораза кезінде кәсіпкерлер арақ-шарап саудаламай, қасиетті айда имандылықпен адамгершілік құндылықтарды, мұқтаждарға қайырымдылық жасап, иманды нығайту адам баласын бірден бір ізгілікке жол екендігі анық.