Жамбыл облысының бас имамы  Бейбіт Әліпбекұлы Шу өңіріне жасаған жұмыс сапары барысында Ақтөбе ауылындағы «Жылғабек» жаңа мешітінің құрылысымен танысты.

Ел игілігіне берілуге аз қалған Алла үйінде Бейбіт Әліпбекұлына ауыл имамы Әбусейіт Қоспанов пен ауыл ақсақалдары жұмыстың жайын айтып, атқарылған жұмыстарды мәлім етті. Өз кезегінде бас имам кеңесін беріп, жұмыстарға табыс тіледі.

Алтын уақытын қиып, ауылға келген облыстың бас имамына ауыл үлкендері алғысын айтып, батасын берді.