Қызылорда облыстық «Ақмешіт-Сырдария» мешітінде Әйел-қыздар секторы өкілдігінің ұйымдастыруымен мәйітті жуындыру және кебіндеу рәсімдеріне қатысты практикалық сабақ өтті.

Қалалық мешіттердің әйел ұстаздары және шәкірттерінің қатысуымен өткен сабақта сектор жетекшісі Ләззат Сыдықова өмір мен өлімнің мәні, ысырапшылдық турасында насихат айтып, шариғатқа сай мәйітті жуындырудың үлгісін көрсетті. Сонымен қатар, кебінді пішу, әсіресе әйел адамның кебін киімдері, оның атаулары мен өлшемі тұрғысында түсіндіріп, мүрдені кебіндеудің ретін баяндады.

Сабақ соңында қатысушылардың сұрақтарына жауап берілді.