Атырау облысының бас имамы Алтынбек Ұтысханұлының төрағалығымен Құрманғазы ауданында «Ислам – ынтымақ пен бірлік діні» тақырыбында форум өтті.

Облыстық деңгейде өткен іс-шарада діни рәсімдердің орындалуы, ынтымақ бірлікті насихаттауда дін мамандарының қызметі туралы айтылса, форумға Құрманғазы ауданы әкімінің орынбасары Гүлнар Хасанова арнайы қатысты.

Сондай-ақ аудандық ақсақалдар алқасының төрағасы Қадырбай Жармұханбетов діни рәсімдерге қатысты өз ойын айтып, дін қызметкерлерімен, имамдармен бірлесіп алдағы уақытта игі істер атқарылатынын айтып өтті.