Елордадағы «Әбу Насыр әл-Фараби» мешітінің ұжымы қала тазалықшыларына және әлеуметтік жағдайы төмен отбасыларға қуаныш сыйлады. Дәстүрлі «Мейірімділік мекені» қайырымдылық шарасы аясында мешіт ұжымы 40 отбасына азық-түлік себеттерін үлестірді.

Шара барысында мешіт имамы жұмысшыларға атқарып жүрген қиын да күрделі жұмыстары үшін алғыс айтып, денсаулық, отбасыларына амандық-саулық тіледі. Сондай-ақ, әлеуметтік жағдайы төмен, мұқтаж отбасыларға ай сайын көмек қолын созып келе жатқан мешіт ұжымы тағы бірнеше отбасыға ізгі амал арқылы жылулық сыйлады.