Маңғыстау өңіріндегі киелі орындарды насихаттау мақсатында Жаңаөзен қаласының имамдары арнайы зиярат ұйымдастырды.

ҚМДБ төрағасы, Бас мүфти Наурызбай қажы Тағанұлының бастамасымен іске асып жатқан «Darhan Dala» жобасы аясында қала имамдары Маңғыстаудағы «Шопан ата» жерасты мешіті мен Оғыланды тауындағы «Бекет ата» мешітіне зиярат жасады.

Аталмыш саяхатқа Жамбыл облысы «Һибатулла Тарази» мешітінің наиб имамы, РАНТ мүшесі Нұрәлі Бақытұлы, Жаңаөзендегі «Шаңырақ ш/а» қалалық мешітінің бас имамы Еркеғали Сағынбайұлы, Қызылсай ауылдық «Мұханмедин Шихыұлы» мешітінің имамы Бералы Жалғасбайұлы және жергілікті дін қызметкерлері қатысқанын атап кеткеніміз жөн.