ҚМДБ Нұр-Сұлтан өкілдігіне қарасты «Рахымқызы Раиса Ана» мешітінде «Мәуліт мерекесі құтты болсын, жамағат» атты рухани кеш өтті.

Бата берумен басталған игі шарада қасиетті Құран аяттары мен Бәрзәнжи Мәуліті оқылды. Ардақты елші, көзіміздің нұры, басымыздың тәжі болған Пайғамбарымыздың (оған Алланың салауаты мен сәлемі болсын) өмірі мен ғибратқа толы оқиғалары насихатталды. Сондай-ақ, Мұхаммед пайғамбарымыздың (оған Алланың салауаты мен сәлемі болсын) өмірінен 30 сұрақ қойылып, дұрыс тапқандарға арнайы әзірленген 30 сыйлық берілді.

Шара соңынан мешіттің бас имамы Қалижан Заңқоев «Дін мен Дәстүр» аясында есімі мен туылған күні екі дүние сардарымен сәйкес келетін «Мұхаммеджан» есімді сәбидің тұсауын кесті.

Рухани кештің соңына қарай жамағаттың көкейінде жүрген діни сұрақтарға кезек берілді.