Қызылорда облысының бас имамы Болатбек Абуов қала әкімі Ғанибек Қазантаевпен кездесті.

Кездесуде қала аумағындағы діни ахуал, мешіттердің қызметтері, карантиндік талаптардың сақталуы, жат ағымға қарсы жұмыс сынды өзекті мәселелер айтылды.

Өз кезегінде қала әкімі Ғанибек  Қонысбекұлы дәстүрлі дінімізді насихаттап, халқымыздың рухани дамуына өз үлестерін қосып жатқан мешіт қызметкерлеріне әрқашан қолдау көрсететінін атап өтті.

Жүздесу соңында бас имам Болатбек қажы Ұласқанұлы  жалпы әкімдік тарапынан мешітттерге көрсетіп жатқан қолдаулары үшін алғысын білдіре отырып, қала әкімінің жұмыстарына сәттілік тіледі.