ҚМДБ Батыс Қазақстан облыстық өкілдігінің ұйытқы болуымен «Мектепке жол-2021» науқаны бойынша қала, аудан, ауыл мешіттерінде қайырымдылық шарасы ұйымдастырылды.

Қайырымдылық шарасы жағдайы төмен, көпбалалы отбасында тұратын 95 мектеп оқушысына сөмке мен қажетті оқу құралдары сыйға берілді.

Мешіт имамдары жиналған балаларға батасын беріп, білімді, жомарт азамат болуын тілеп, сөмке-жабдықтарын табыстап, қайырымдылық акциясына атсалысқан қолы ашық, жомарт жандарға ризашылық білдіріп, кәсіптеріне береке тіледі. Өз кезегінде ата-аналар да мешіт имамдарына алғысын жеткізді.