Түркістан облысының имамдары жарты жылдықты қорытындылады. ҚМДБ бекіткен төрт бағыт бойынша есеп берілді.

Карантинге байланысты шектеулер қойылып ЖАНТ жұмыстарының тоқтап қалғаны белгілі. Десе де діни дәрістер онлайн режиміне көшірілді. Жарты жылда қайырымдылық шаралары артығымен атқарылды.

Жарты жылдың қорытындысы бойынша ЖАНТ көрсеткішімен Кентау, Созақ, Жетісай, Шардара, Төлеби, Сайрам аудандары алға шықты. Қайырымдылық шараларымен Созақ, Сайрам, Жетісай, Сарыағаш, Келес, Қазығұрт аудандары мен Кентау, Түркістан қалалары ерекше көзге түсті.

Имамдардың жұмысына үнемі мониторинг жүргізіліп, жыл соңында рейтингтік жүйемен баға беріледі. Жалпы облыс бойынша тапсырмалар жоспарға сай орындалып келеді.