Биыл ҚМДБ-ның құрылғанына – 30 жыл. Мерекелі датаға орай барлық өңірде түрлі шаралар атқарылуда.

«30 жылдыққа 30 игі шара» аясында ҚМДБ-ның Қарағанды облысына қарасты «Жәйрем» мешіті де сауапты істі жүзеге асырудан құр қалмады. «Бұлақ көрсең, көзін аш» деген халқымыз. «Жәйрем» мешітінің бас имамы Мурсали Қаленұлының бастамасымен өңірде жаңа бұлақтың көзі ашылды.

Сауапты іске мешіт ұжымы мен аймақ тұрғындары, жамағаты атсалысты.  Бұлақ басында бас қосқан жамағат құрбан шалып, Құран бағыштады. Бұлақтың етегінде берекелі дастархан жайылып, ас берілді.