Қызылордаға арнайы іс-сапармен келген белгілі теолог, «Сарыағаш» медресе-колледжінің директоры, Республикалық ақпараттық-насихат тобының (РАНТ) мүшесі Абдуғаппар Сманов Сырдария ауданы жұртшылығымен кездесті.

Абдуғаппар Шәкірұлы аудан орталығы Тереңөзек кентінде аудан халқына және қалалық «Нұр» мешітінде қала жамағатына отансүйгіштік, көркем мінез, дінді көркем насихаттау, бауырмалдық, бейбітшілік пен тұрақтылық, жат ағым жетегінде кетудің зардаптары тақырыптарында уағыз-насихат айтты.

Абдуғаппар Смановтың мұның алдында Қызылордадағы «Ақмешіт-Сырдария», «Айтбай», «Нұр» және Талсуат ауылындағы «Ерназар Мақсұм» мешіті жамағатымен жүздескенін хабарлаған болатынбыз.