Tań

Kún

Besіn

Ekіntі

Aqsham

Quptan

БАС МҮФТИ ОБЛЫС ИМАМДАРЫН АЛҒЫС ХАТПЕН МАРАПАТТАДЫ (ФОТО)

ҚМДБ Баспасөз қызметі muftyat.kz 22.12.2021 2559 0 пікір
БАС МҮФТИ ОБЛЫС ИМАМДАРЫН АЛҒЫС ХАТПЕН МАРАПАТТАДЫ (ФОТО)

Елордада Қазақстан мұсылмандары діни басқармасының Орталық аппаратында өткен Төралқа мәжілісінде Бас мүфти Наурызбай қажы Тағанұлы Тәуелсіздігіміздің 30 жылдық мерейтойына орай облыс имамдарын арнайы алғыс хатпен марапаттады.

«Сіздің асыл дініміздің өсіп-өркендеуіне, тәуелсіз еліміздің 30 жылдық мерейлі белесінде жеткен әрбір жетістігіне қосқан үлесіңіз мол. Рухани құндылықтарымызды насихаттау жолындағы белсенді қызметіңіз бен ыждаһатты еңбегіңіз үшін Сізге айрықша алғысымды білдіремін. Алла разы болсын! Отбасыңызға амандық, деніңізге саулық, ізгі ісіңізге береке тілеймін!
Алла Тағала дін саласында ықыласпен атқарған әрбір ісіңізге мол сауаптан жазғай. Жаратушы Жаббар Иеміз Тәуелсіздігімізді баянды етіп, халқымызға бірлік пен береке нәсіп еткей. Әмин!» делінген Бас мүфтидің алғыс хатында.
Төралқа мәжілісінде ҚМДБ Төрағасы Наурызбай қажы Тағанұлы бір жыл бойы жақсы жұмыс нәтижесін көрсеткен барша дін қызметкерлеріне алғысын жеткізді.

Pіkіrler (0)

Тіркелген қолданушылар ғана пікір қалдыра алады. Сайтқа кіру