Tań

Kún

Besіn

Ekіntі

Aqsham

Quptan

ДІН ҚАЙРАТКЕРЛЕРІН АҚТАУҒА АРНАЛҒАН КОНФЕРЕНЦИЯ ӨТЕДІ (ВИДЕО)

ҚМДБ баспасөз қызметі muftyat.kz 23.09.2021 1214 0 пікір
ДІН ҚАЙРАТКЕРЛЕРІН АҚТАУҒА АРНАЛҒАН КОНФЕРЕНЦИЯ ӨТЕДІ (ВИДЕО)

Алматыда өтіп жатқан Қазақстан мұсылмандары діни басқармасы жанындағы Ғұламалар кеңесінің XXXI мәжілісінде Бас мүфти Наурызбай қажы Тағанұлы дін қайраткерлерін ақтауға арналған конференция өтетінін мәлімдеді.

«Президент Қасым-Жомарт Тоқаевтың бастамасымен тарихи әділеттілікті қалпына келтіру мақсатында Саяси қуғын-сүргін құрбандарын толық ақтау жөнінде Мемлекеттік комиссия құрылған болатын. Қазақстан мұсылмандары дін басқармасы Мемлекеттік комиссияның Дәстүрлі дін өкілдері – саяси қуғын-сүргін құрбандарын ақтау үшін зерттеу жұмыс тобымен бірлесіп, дін қайраткерлерін ақтауға арналған республикалық конференция өткізуді қолға алдық.

Конференция мақсаты – Кеңес дәуірі тұсында саяси қуғынға ұшыраған дін қайраткерлерін анықтау әрі оларды ақтауға үлес қосу. Сонымен қатар ата-бабамыздың сан ғасырдан бері ұстанып келген Әбу Ханифа мәзһабы мен Матуриди сенімін халыққа насихаттау» деп атап өтті Наурызбай қажы Тағанұлы.

Айта кетейік, Саяси қуғын-сүргінге ұшыраған халқына қалтқысыз қызмет еткен ұлт қаймақтары арасында молдалар, ахундар, ишандар, жалпы дін қайраткерлері болды. Біздің ендігі мақсат – жазықсыз өлім жазасына кесіліп, әлі күнге дейін ақталмаған дін қайраткерлерінің мұраларын жаңғыртып, есімдерін елге таныту.

Pіkіrler (0)

Тіркелген қолданушылар ғана пікір қалдыра алады. Сайтқа кіру

Sońǵylar

Musylman dіnı kúntіzbesі