Қасиетті Рамазан айының құрметіне Жаңақала аудандық мешітінің бас имамы Ерік Сұлтановтың бастамасымен, иманды азаматтар Айболат Бөкенов пен Руслан Оразғалиевтің қолдауымен Алла үйінің жанынан 250 адамға арналған жаңа халал асхананың іргетасы мен қабырғасы қаланды.

Осыған орай ауданның бас имамы Ерік Қонақбайұлы бастаған мешіт жамағаты асхананың іргетасы мен қабырғасын қалау рәсімін өткізді. Алдымен құрбан шалынып, дұға жасалып, бата берілді. Жиналғандарға салынғалы жатқан жаңа асхананың жобасы таныстырылды. Бұдан кейін бас имам облыстық «Ақжайық» телеарнасына асхананың құрылысы жайында сұхбат берді.

Дін жанашырлары мен қаржылай көмек қолын созған жомарт жандарға Алла разы болып, сауаттан жазсын!