Жақында Республикалық ақпараттық–насихат тобының мүшесі, Жамбыл облыстық «Һибатулла Тарази» мешітінің наиб имамы Нұралы Бақытұлы Қостанай өңіріне арнайы шақыртумен келді. 

Алғашқы уағызды РАНТ мүшесі Қостанай қалалық «Марал ишан» мешітінде өткізді. Мұнда ақшам намазынан соң «Білім алу – әр мұсылманға міндет» тақырыбын қозғап, білімнің өмірімізде алатын орны жайлы мазмұны терең насихат айтты. Жиналған қауым оның тағылымы мол ой-толғанысын ұйып тыңдап, таным көкжиектерін кеңейтті.

Бұдан кейінгі күндері Нұралы Бақытұлы «Жайлаубай ата» мешітінде ақшам намазынан соң уағыз айтты.