«Таза Қазақстан» республикалық экологиялық акциясы аясында ҚМДБ-ның Қостанай облысы бойынша өкілдігі өңірдегі барлық мешіттің ауласында күзгі сенбілік жұмыстарын ұйымдастырды.

Игі шара барысында мешіт қызметкерлері мен жамағат бірлесе атсалысып, айналаны қоқыстан тазартып, түскен жапырақтарды жинап, аумақты ретке келтірді.

Аталған шараның негізгі мақсаты – қоршаған ортаны таза ұстау мәдениетін қалыптастыру, табиғатқа жанашырлық таныту және көпшілікке тазалықтың маңызын насихаттау.

Қоршаған ортаны таза ұстау – әрбір азаматтың ортақ міндеті. Өзіміз өмір сүріп жатқан мекеннің көркеюіне үлес қосып, тазалық пен ұқыптылықты күнделікті өміріміздің ажырамас бөлігіне айналдыру – баршамызға ортақ жауапкершілік.