ҚМДБ «Уақып» корпоративтік қайырымдылық қорының басқарма төрағасы Азамат Әбдікерімұлы жұмыс сапарымен Шығыс Қазақстан облысына барды. Сапар Қазақстан мұсылмандары діни басқармасының төрағасы, Бас мүфти Наурызбай қажы Тағанұлы хазіреттің бағдарлық баяндамасында көрсетілген негізгі бағыттар аясында жүзеге асты.

Іссапар барысында Қор төрағасы Өскемен қалалық орталық мешітінде және қыздарға арналған қайырымдылық мекемесінде болып, атқарылып жатқан жұмыстармен танысты.

Сондай-ақ ШҚО жамағаты мен өңір кәсіпкерлеріне «Уақып» қорының қызметі таныстырылып, түсіндірме шаралары ұйымдастырылды. Қайырымдылық істерге үлес қосқан кәсіпкерлерге Уақыпнама табысталды.

Өңір кәсіпкерлері Қор төрағасына алғыс айтып, алдағы уақытта да ел игілігі үшін жасалатын сауапты істерге үлес қоса беруге дайын екенін жеткізді.