Бүгін қасиетті Мекке қаласында Сауд Арабиясы Корольдігінің Ислам істері, уағыз және насихат министрлігінің ұйымдастыруымен «Әлемдегі дін істері, пәтуа басқармаларымен, шейхтықтармен және сол секілді мекемелермен байланыс» тақырыбында халықаралық конференция басталды.

Жиын қасиетті Құран аяттарын оқумен басталып, конференцияның мақсаты жайында бейнеролик ұсынылды. Екі күнге жалғасатын жиынға Қазақстан мұсылмандары діни басқармасының төрағасы, Бас мүфти Наурызбай қажы Тағанұлы арнайы шақыртумен келді. Бүгін жиынның жоспарына сай ҚМДБ Төрағасы арнайы баяндама жасайды.

Айта кетейік, конференцияға әлемнің 85 елінен 120-дан аса мүфтилер мен ғалымдар қатысуда. Халықаралық конференцияның мақсаты – мұсылман басқармаларымен ынтымақтастық орнатып, түрлі салада байланысты арттыру.